上次提過反翻版係'94樂壇一大要事，亦都係目前為止少有咁團結齊心嘅大型總動員活動之一 (所以我成日都話好鍾意94年，'95打後已經係另一個世界)，3月先有 <全港反翻版唱片大行動> 電視SHOW造勢，不過唔見阿靜 (正如 <翡翠歌星賀台慶> 咁，明明都叫做哎呀親生女但唔明點解出碟嗰兩年反而無影......)，半年後再推出金曲精選紀念合輯 <100%正版>，最搞笑嘅係上次個SHOW喺度嗰啲今鋪又未必見影，反而阿靜今次蒲頭有份大合唱，灌錄A CAPPELLA點題作品 他不是我。
MV片段所見阿靜同梁雁翎、趙學而、李樂詩 (飛圖三嬌哈哈)、劉彩玉 (同公司姊妹) 同陳德容一齊錄音 (換句話講即係無得同批大星一齊錄哈哈)。
其實呢張唱片真係值得收藏，除咗係金碟印製之外，裡面啲歌全部都合我心水同較IN (難得跨公司，選曲較一般精選全面同有誠意)，而內頁更印有眾歌星嘅簽名，大家不妨估吓阿靜個簽名喺邊 (其實都易認，佢簽全名同簽得清楚)?
至於年尾頒獎禮...... 正所謂新人第二年無獎就必然 (講笑啦)，不過睇得出新城幾錫阿靜，至少好似上圖咁有得去吓勁爆頒獎禮記者會 (係囉又唔明，勁歌頒獎禮阿靜居然可以又無份......)。
而94年除咗四台頒獎禮之外其實仲有一個比較特別啲嘅，都係新城搞，就係 <第一屆香港唱片設計大賞> (其實都好似淨係得一屆哈哈)，我唔知阿靜有無獎攞，但剪報所見就一定有份表演 (獨唱又有，同關淑怡、彭羚合唱又有)，仲正到直頭搬返佢隻碟 <了解> 入面最具代表性嘅小丑造型登場，總算叫做為呢張唱片作最後肯定同加冕。
咁又一年，以下雜誌專訪有阿靜自評94年嘅表現同未來動向，想知阿靜嘅音樂路跟住落嚟會係點，敬請留意日後篇章 (越睇得多阿靜嘅訪問越覺得大家性格好似，都係內向慢熱型，可能就係因為咁所以好鍾意佢!)。
四年耕耘成績欠佳 鄒靜進退兩難
鄒靜共推出過兩張個人大碟，對於成績，JESSICA顯然是不大滿意。
「每次唱片宣傳期間，碰巧又要趕拍電視劇，於是宣傳活動便不能夠一氣呵成。而宣傳對歌手是非常重要的，所以唱片反應欠理想。」
「本來，我覺得有得必有失，既然是把時間放在電視劇上，也就毋須太介懷唱片的成績，但偏偏那些電視劇又未有如期推出。」
「有時候，就連自己也感到歌手形象不夠鮮明，所以，外間人對我的角色有所混淆亦是可理解的。」
有說JESSICA對即將約滿的唱片公司的宣傳政策不甚滿意，是故，轉投新公司乃事在必行。
「提起這個傳言，我便覺得自己很冤枉，根本就沒有說過有關的話，更不明消息從何而來。」
「坦白說，唱片公司待我算是很不錯，他們跟我簽約，當然認為是可造之材，希望我替公司賺錢，所以，他們實在沒理由不替我宣傳，又或對我置之不理。」
「不過，大家的溝通方式或許存著問題，因此影響工作上的進度。但是我覺得做事或多或少有問題出現，也沒有人能一拍即合。」
個人方面，JESSICA坦言要負上責任。
「在娛樂圈工作，人際關係是很重要，但我在這方面卻是最弱。」
「由小到大，我都是很被動，不愛說話，兼且不懂得怎樣表達自己。而在這個圈四年，竟然也是毫無改進，除非碰到一些很熱情的人，而我又認為他們是可以信任的，否則我不會夠膽跟他們做朋友。」
「不過，在這個圈發展，這樣的性格實在是不可行，我曾經嘗試作出改變，但最後還是失敗。」
「有次，我用盡方法希望跟人家打開話題，但想了半天，最後仍是以『吃飯沒有? 』來開始話題，你說是不是勉強不來?」
「其實，我這樣不愛與人交談，多少是因為害怕得罪人，媽媽也老是勸我不要跟人說話太多，她說我的語氣太倔了，就是沒有惡意的，人家也許會誤會。所以，我是變得愈來愈收藏自己。」
雖然性格不合，而且首兩張唱片成績欠理想，但卻沒有令她對歌壇感到失望。
「我覺得欲速則不達，只要自己已盡力，也就毋須太過介意成績如何。況且，我的起步已算不錯，實在不能要求過高。」
photo credit: 彌敦道人與車@weibo (8, 9 of 15);
linda liu@sina blog (14 of 15)
linda liu@sina blog (14 of 15)
－－－－－－－－－－－－－－－－－－－－－－－
留言小教學 (不用註冊)：
1. 在下方留言格內輸入留言
2. 在 'Comment as:' 一格內揀選 'Name/URL'，小視窗隨即彈出
3. 在 'Name' 一格內輸入你的稱呼，'URL' 一格漏空，再按 'Continue'
4. 按 'Publish' 送出留言
－－－－－－－－－－－－－－－－－－－－－－－
