密食當三番，阿靜好努力咁有劇就接，咩角色咩形象都肯做，好似呢套由溫兆倫、吳鎮宇、陶大宇、鄧萃雯主演嘅 <灰網> 咁，就做個吸毒老泥妹。
今次阿靜繼 <浪族闊少爺> 後再次同馮敏清合作做好姊妹，不過就由有錢女變咗做死飛女，飾演姚正菁身邊嘅損友 (睇左下圖兩個染晒紅色HIGHLIGHT又o趙晒香口膠咁，MK味重到呢哈哈)，故事講到佢地陪姚呢個o靚模去尖東海旁接JOB影相，仲做晒花生友係咁引佢收男拍擋陳嘉輝做兵，點知人地讀書又叻又高竇，全程無視呢三件卡啦蘇。
姚主動出擊窮追猛打，但陳始終眼尾都唔肯睄佢一眼，阿靜兩隻魔鬼乘機塞啲 '好嘢' 比姚歎吓等佢HAPPY返，鏡頭一轉已經喺隧道入面濕晒身HIGH到癲咗......
近日好開心見到有人貼咗呢度去討論區，亦都多咗朋友留言同埋轉發，令到我喺枯燥沉悶嘅上班生活入面搵返些少慰藉同滿足感，亦都令我多咗動力去搵阿靜嘅一切，喺度想多謝入嚟睇過嘅每一位，亦都多謝大家同我一樣無忘記鄒靜呢個人，呢度係絕對歡迎有心人分享阿靜以前同而家嘅消息，有咩即管講!
－－－－－－－－－－－－－－－－－－－－－－－
留言小教學 (不用註冊)：
1. 在下方留言格內輸入留言
2. 在 'Comment as:' 一格內揀選 'Name/URL'，小視窗隨即彈出
3. 在 'Name' 一格內輸入你的稱呼，'URL' 一格漏空，再按 'Continue'
4. 按 'Publish' 送出留言
－－－－－－－－－－－－－－－－－－－－－－－
你真係好犀利，鄒靜做過邊D劇集，就算戲份不重，你都搵到，讚！
ReplyDelete我反而希望看到多些Jessica 以前歌手時，現場演繹她自己歌曲的視頻，但視頻不多，很可惜！
其實Jessica 本人有一個微博account，但她本人好少上微博。
我邊係犀利呀, 只係傻者, 同埋所有資源都係係網上搵返呢既, 我只係將佢地集結起呢者, 我之前講過, 我唔甘心果d所謂既'大人'經常抹殺某類藝人, 唔係話佢地一碟就話奀, 明明有好多作品又亂咁話人消失, 完全唔知好多人都奉獻咗超過十年既時間係呢個圈到, 曾經聽過好多'大人'話當年有閒錢都會比晒四大天皇/一線歌手, 仲話買呢類歌手既碟係幫香港刺激經濟好'偉大', 但而家如果想買返又會比班'大人'炒高, 咁d人究竟係想點呢? 我唔見得佢地會真心聽張唱片, 只係一心想晒命話自己識lee d歌手有lee d罕有唱片, 但暗地裡其實又睇唔起佢地, 我敢講如果我當年有幸已出世, 我一定會買阿靜既唱片, 仲有好多好多佢地睇唔起/一笑置之既歌手既唱片, 所以而家我好想重組佢地既故事, 就好似一張履歷表咁, 雖然我無咁既資格去代表任何人, 我只係唔想佢地既故事比班'大人'亂咁去作lor, 雖然講到尾只有藝人自己先清楚自己真實走過既路
Delete我都好想睇返阿靜既唱歌片段, 都係果句, 所有野比班'大人'操控, '大人'唔like, 咪無得睇lor, 好被動
真的嗎? 我唔敢相信阿靜有玩微博, 我當然有試過search微博, 但當然係好漫無目的果隻, 都唔知從何搵起, 亦唔覺得有邊個account似係佢,你介唔介意比我睇睇? 佢而家其實係邊? 近況如何? 你有無同佢傾過? (其實你咪仲勁......哈哈)
或者你嘗試睇吓其他藝人的微博，Jessica娛樂圈的好友都有關注她。
Delete因為Jessica始終息影咗，唔方便公開她的微博，我都是偶然見到其他藝人關注她，先知她有個微博accout。
雖然不是咁清楚Jessica 的近況，但從她的微博知道她生活得很幸福。
搵到啦, 因為之前一直用中文去搵, 所以一路都搵唔到, (同埋多得你係咁tag佢哈哈) 睇得出佢唔用電腦同已經荒廢咗個微博, 不過睇佢果張一千零一張既propic, 狀態唔錯, 同意你講佢應該幸福
Delete說好的血染黎明要延期到下個月?! 唯有耐心等待，筆者的介紹。
ReplyDelete改返啦, 因為本身我想順序咁講佢既故事, 所以搞到而家都仲係1991年, 來日方長, 如果我既post足以維持一兩年, 你會唔會繼續等繼續睇?
Delete當然會繼續支持la 。
Delete小妹的Blog http://angelayau96.blogspot.hk/ 有時間可以拜訪一下。^^
ReplyDelete想問你個1996係咩意思? 應該唔會係指你1996出世吧? 如果係咁你好勁, 同埋睇呢你鍾意既人/事有好多wor
DeleteP.S. 我啱啱改咗新既網站名稱, 可能之前d link全部失效, 希望你唔會以為我失咗蹤啦 http://jessicachaufans.blogspot.hk/
1996純粹一個數字，沒特別意思o既~~
Delete係吖， 我對很多事物都感到有興趣，睇到特別的嘢，會放在自己的blog內， 慢慢觀看。