[FANS SPECIAL] MEMORIES 'N' COLLECTABLES

唔好意思呀我呢個懶人真係好耐都無更新啦 (亦希望大家多多支持小弟新開嘅黎駿BLOG)!


講起2017年頭呢幾個月已經有好多開心事發生，好似黃翊上 <流行經典50強> 而人氣急升，連帶埋阿靜都多咗人問起 (如果大家有興趣睇返我介紹佢同阿靜合演嘅MV可以撳返呢度同呢度)，而阿靜嘅好姊妹樊亦敏亦喺呢四個月入面連續上三套新劇而掀起唔少話題同好評，真係好戥佢地高興!


而最驚喜嘅係原來仲有人睇我個BLOG仲花時間留言比我! 多謝靜迷 (其實應該係翊迷?!) CC無私分享以前嘅追星點滴 (有心睇返可撳呢度)，而得到CC嘅同意，決定開呢篇同大家一齊分享阿靜93年頭簽比佢嘅三張珍貴相片，如果大家有任何同阿靜嘅回憶/相片/剪報等等想分享，好歡迎大家隨時留言比我!

呢張睇個獎座應該係92年叱咤頒獎禮慶功宴，公司一眾新人李家明、阿靜、劉彩玉、鄭梓浩齊賀大師姐王靖雯攞大獎 (阿靜早期簽名簽 'JESSICA' 同 '靜'，簽法好似學生簽紀念冊咁好得意，對比94年嘅簽名已經好唔同)。

CC話呢張相係影自當年電台展覽入面唱片公司嘅藝人展品，好靚呀 (枝粉紅色簽名筆好襯張相呀，同埋呢張阿靜簽多咗個 'CHAU')!

呢張係阿靜送比CC嘅，認得呢個LOOK嗎? 喺黃翊 一世濃情 MV入面出現過架! 睇嚟阿靜成日攞呢輯相嚟做沙龍宣傳照喎 (今次簽中文全名，背後仲寫埋祝福語，好有心!)。

－－－－－－－－－－－－－－－－－－－－－－－
留言小教學 (不用註冊)：
1. 在下方留言格內輸入留言
2. 在 'Comment as:' 一格內揀選 'Name/URL'，小視窗隨即彈出
3. 在 'Name' 一格內輸入你的稱呼，'URL' 一格漏空，再按 'Continue'
4. 按 'Publish' 送出留言
－－－－－－－－－－－－－－－－－－－－－－－