阿靜入行三年終於圓夢，推出首支個人主打 我愛夏日長 展開歌唱事業，其實早喺92年尾因葵已幫阿靜師姐甄楚倩填咗隻 一生放暑假，我絕對相信 我愛夏日長 係呢首歌嘅延續，喺度當然要大讚蘇德華大師嘅精心製作啦，一開始懶洋洋好似進入一個仙境／夢幻國度咁，跟住個節奏同情緒不斷加快升高，最尾慢慢FADE OUT，感覺就好似去咗沙灘另一邊繼續玩繼續唱咁好有層次，再配合埋因葵嘅詞，成功幫阿靜塑造一個活力四射嘅夏日少女形象。
至於電視MV就由陳龍華導演執導，可見備受力捧，開頭先嚟幾個好有FEEL嘅黑白MONTAGE SHOTS。
夏日快歌當然要去沙灘取景啦，阿靜同成班壯男DANCERS撥水鬥玩，濕身狂跳一番。
公司真係算重視首歌，肯BOOK埋室內泳池繼續拍攝，片段所見阿靜把頭髮時而紮高時而孖辮，又沙灘褲又露腰咁，打扮一啲都唔過時。
睇吓阿靜幾放，比人任抬任椗都無SAY NO，仲不停自HIGH添。
派歌又點可以唔去 <勁歌金曲> 唱吓LIVE宣傳吓先，五月尾阿靜就上過一次，開場嗰陣導演要班歌星扮綵排，阿靜清唱咗兩句 '溶解我 溶解我' 之後就扮鬼扮馬話唔排啦要去隔離廠八吓港姐綵排。
之後嘅遊戲時間，睇到嘉賓陣容有林憶蓮、湯寶如、<情陷特區> 嘅 '舊相好' 呂方，同埋接近家駒出事前嘅BEYOND，由於仲係新人，阿靜無機會玩遊戲，只有喺隔離陪笑同拍手，至於打扮就跟返當時嘅打歌服 (沙灘水手裝)，同湯記嗰套都幾夾呀。
初初以為個歌名喺好多人心目中夠絕核夠西 (有心者請自行GOOGLE)，所以到今時今日大家都仲記得 我愛夏日長，但原來當年派台嘅成績比我想像中好得多，先拎咗勁爆榜冠軍歌 (詳情留意下期剪報)，再連續成為兩季季選嘅候選歌，新人有咁嘅成績真係好唔錯!
－－－－－－－－－－－－－－－－－－－－－－－
留言小教學 (不用註冊)：
1. 在下方留言格內輸入留言
2. 在 'Comment as:' 一格內揀選 'Name/URL'，小視窗隨即彈出
3. 在 'Name' 一格內輸入你的稱呼，'URL' 一格漏空，再按 'Continue'
4. 按 'Publish' 送出留言
－－－－－－－－－－－－－－－－－－－－－－－
國語歌火紅年代，唔少台灣偶像紛紛爭做過江龍分一杯羹，公司睇準時機整返個 <明珠音樂幹線> 開拓市場，阿靜生得逄時，以普通話人同樂壇新人姿態成功撈多瓣擔任國語音樂節目主持，仲開始見報添，唔...... 有啲人氣啦! 下面嘅雜誌原文，希望更多朋友知道阿靜嘅入行經過同投歌壇嘅機緣啦。
也許您們不熟悉我，那麼就讓我簡單地介紹一下自己吧! 我叫鄒靜 (Jessica)，自小喜愛文藝，音樂與電影一直是我最大的興趣和消遣，我渴望成為一個舞台上的表演者，因此投考TVB藝訓班，並有幸地成為無線的一員，通過平時的工作，學到許多知識，在朋友的介紹下，認識了戴思聰老師，跟他學唱歌，並給老師的推薦，於1992年9月正式加盟新藝寶唱片公司。
目前，我正擔任「明珠音樂幹線」的主持，我很喜歡這個節目，因為它令我有機會認識音樂界的朋友，而我的新唱片也正在製作中，很快就會面世，希望可以得到您們的支持。
阿靜呢隻開荒牛都算落力，特登去 <勁歌金曲> 做宣傳搲吓客，片花卡士唔弱，有CALLY姐姐、林志穎同唔該你啦張立基，從片段所見第一集播出時間為93年1月23日。
正值新春期間，阿靜梗係要同大家拜個早年啦，恭喜恭喜!
新春時節又點少得春茗呢? 呢日阿靜呢個小師妹就連同師兄鄭梓浩同李家明一齊出席玉郎春茗開開眼界 (撳呢度睇埋佢地同期嘅簽名合照)。
我唔清楚 <明珠音樂幹線> 實質做咗幾耐，至少去到5月仲由阿靜做主持訪問吳奇隆，由於嗰時阿靜已派 我愛夏日長 正式進入作戰狀態，普通長直髮已經好青春，仲著背心配合夏日形象，一臉自信風采，星味不輸柿隆，而佢嘅主持功力亦唔弱，有留心聽柿隆講野同回應，可見做足功課，不過我覺得阿靜應該唔鍾意長頭髮，成條片見佢不停撥頭髮同攝頭髮，好似好唔舒服好唔慣咁。
－－－－－－－－－－－－－－－－－－－－－－－
留言小教學 (不用註冊)：
1. 在下方留言格內輸入留言
2. 在 'Comment as:' 一格內揀選 'Name/URL'，小視窗隨即彈出
3. 在 'Name' 一格內輸入你的稱呼，'URL' 一格漏空，再按 'Continue'
4. 按 'Publish' 送出留言
－－－－－－－－－－－－－－－－－－－－－－－
眾所周知阿靜係93年嘅樂壇新人，但其實早喺92年9月新藝寶已經簽咗阿靜 (詳情留意下回分解)，兩個月後更隨即安排阿靜以歌星身份出席 '娘家' 大騷 <翡翠歌星賀台慶>，開展星途新一頁。
由於仲未正式出歌，阿靜出鏡唔算多，開場前先同成排女歌手高唱 今天不回家，之後啲排排企輪住唱嘅經典金曲串燒都分到首 鮮花滿月樓 SOLO吓，做歌星唔執執啲打扮點得架，阿靜今次就落重手，眉啦眼啦嘴啦畫到有咁深得咁深，個頭又吹過吓咁，衫亦跟足DRESS CODE紅男綠女著綠色，夠晒尊重場合哈哈。
之後嘅遊戲環節由李美鳳率領十九個 '好姊妹' 一邊唱 夢伴 一邊塞入去個大箱度，阿靜掹車邊有得玩埋一份，臨尾仲同所有歌星一齊貼自己張簽名相上BACKDROP度送比公司做生日賀禮。
－－－－－－－－－－－－－－－－－－－－－－－
留言小教學 (不用註冊)：
1. 在下方留言格內輸入留言
2. 在 'Comment as:' 一格內揀選 'Name/URL'，小視窗隨即彈出
3. 在 'Name' 一格內輸入你的稱呼，'URL' 一格漏空，再按 'Continue'
4. 按 'Publish' 送出留言
－－－－－－－－－－－－－－－－－－－－－－－
又係漏網之魚時間! 最近又搵得返一套阿靜91年嘅電視電影 <魅影迷情>，由方中信、陳淑蘭主演，亦係阿靜第一部 '鬼片' (擺明搞笑/愛情成份居多，全無恐怖)。
故事講述地產經紀方經女鬼蘭子悉心安排下SELL到佢間鬼屋大宅比個大客，保得住份工嘅方同幾個兄弟一齊落夜總會慶祝，而阿靜就係其中一個陪佢地飲酒猜枚嘅小姐。
玩到無嘢好玩，班嘩鬼借飾演方太嘅崔嘉寶過橋，整蠱方話崔會喺鬼屋度等佢，仲乘機跟埋佢入鬼屋探險。喺度想讚燈光打得唔錯，阿靜表情亦好到位，尤其係右下角嗰幅。
忽然一個華麗轉身，見到祝文君匿喺後面扮女鬼，成功嚇到阿靜兩個半死。點知螳螂捕蟬黃雀在後，正當祝自鳴得意之際，真正女鬼屋主蘭子飄到，成班集體尖叫大逃亡。
－－－－－－－－－－－－－－－－－－－－－－－
留言小教學 (不用註冊)：
1. 在下方留言格內輸入留言
2. 在 'Comment as:' 一格內揀選 'Name/URL'，小視窗隨即彈出
3. 在 'Name' 一格內輸入你的稱呼，'URL' 一格漏空，再按 'Continue'
4. 按 'Publish' 送出留言
－－－－－－－－－－－－－－－－－－－－－－－
阿靜咁靚女點可以咁嘥料唔扮港姐呢，所以今次呢套由羅嘉良、關秀媚、邵仲衡、劉玉翠主演嘅 <大賭場> 就有機會比佢過吓選美癮。
故事講到素人OL關比攝影師吳剛發掘參選紫荊花小姐，同阿靜幾位佳麗先喺記者招待會入面亮相 (嘩個LOOK完全係早期SAMMI搭林帆)，最終阿靜奪得季軍，喺慶祝酒會度齊齊拎住紮花陪笑影相。
－－－－－－－－－－－－－－－－－－－－－－－
留言小教學 (不用註冊)：
1. 在下方留言格內輸入留言
2. 在 'Comment as:' 一格內揀選 'Name/URL'，小視窗隨即彈出
3. 在 'Name' 一格內輸入你的稱呼，'URL' 一格漏空，再按 'Continue'
4. 按 'Publish' 送出留言
－－－－－－－－－－－－－－－－－－－－－－－
