經過 <我愛玫瑰園>、<魅影迷情> 等嘅訓練，阿靜已有幾次演舞小姐嘅經驗，喺呢套由廖偉雄、陳秀雯、李家聲、林穎嫻主演嘅 <屬雞的男人> 入面，已經老江湖到可以隨時上晒身咁講 '知啦媽咪' 同 '飲啦真係乖啦' 等豪氣對白，掂呀!
故事講到廖誤以為自己身患絕症，橫死掂死決定去夜總會玩返夠本抵返條數，但自己枚又唔識猜，宵夜又唔願食，結果胡裡胡塗做水魚，派晒啲錢比阿靜成班囡囡就走人，不過阿靜都算醒識錫身，片段所見其中一個姊妹攞到錢後搏到盡，一嘢咀落廖塊面度，但阿靜就博大霧，只係揩吓拍吓佢個面珠墩就過到骨哈哈。
－－－－－－－－－－－－－－－－－－－－－－－
留言小教學 (不用註冊)：
1. 在下方留言格內輸入留言
2. 在 'Comment as:' 一格內揀選 'Name/URL'，小視窗隨即彈出
3. 在 'Name' 一格內輸入你的稱呼，'URL' 一格漏空，再按 'Continue'
4. 按 'Publish' 送出留言
－－－－－－－－－－－－－－－－－－－－－－－
除咗上回介紹嘅 <IQ遊樂場>，阿靜同期亦擔任由鄭丹瑞、羅慧娟主持嘅訪談遊戲節目 <鬥戲群星會> 嘅助手，繼續做禮物小姐報吓分遞吓獎金獎品。
有別於上次一男一女嘅助理編排，今次只派一位靚女輪流幫手，十三集入面先由阿靜打頭陣出現喺前四集，之後有佢訓練班嘅好姊妹馮敏清、祝文君同顏仟汶接力。
節目團隊睇落都好錫阿靜，除咗肯比機會佢打頭陣，兩位主持亦能夠喺節目入面嗌到阿靜嘅中英文名，仲知道佢係嚟自蘇州，存在感唔弱，不過阿靜仍未搞得掂廣東話嘅聲調，有一集聽到佢將累積獎金讀成「裡直」獎金哈哈。
－－－－－－－－－－－－－－－－－－－－－－－
留言小教學 (不用註冊)：
1. 在下方留言格內輸入留言
2. 在 'Comment as:' 一格內揀選 'Name/URL'，小視窗隨即彈出
3. 在 'Name' 一格內輸入你的稱呼，'URL' 一格漏空，再按 'Continue'
4. 按 'Publish' 送出留言
－－－－－－－－－－－－－－－－－－－－－－－
原來喺主持 <江山如此多FUN> 之前，新人時期嘅阿靜已有機會喺由夏雨 (咦佢地疊住拍 <橫財三千萬> 應該識得?)、黎海珊主持嘅遊戲節目 <IQ遊樂場> 入面做小助理實習打點，同男拍擋彭峻輝一齊拎吓道具遞吓咪兼送吓獎品。
小弟暫時手上有兩集資源 (有緣再補返比大家!)，影片所見阿靜除咗同觀眾玩智力遊戲之外，仲會喺推理劇場入面扮鬼扮馬，而上面呢集就同嘉賓彭家麗、溫兆倫合演趣劇賣杏仁餅同豬肉乾。
另外呢集嘅嘉賓有李克勤同吳婉芳，阿靜呢次仲癲，扮恐怖馬姐同青山走犯哈哈。
－－－－－－－－－－－－－－－－－－－－－－－
留言小教學 (不用註冊)：
1. 在下方留言格內輸入留言
2. 在 'Comment as:' 一格內揀選 'Name/URL'，小視窗隨即彈出
3. 在 'Name' 一格內輸入你的稱呼，'URL' 一格漏空，再按 'Continue'
4. 按 'Publish' 送出留言
－－－－－－－－－－－－－－－－－－－－－－－
既然又講返去阿靜嘅新人漏網之魚時期，喺呢套由廖偉雄、鄭伊健、李婉華、劉兆銘主演嘅 <閉門一家千> 入面，阿靜當然都係一貫被分派做佢最拿手嘅OL角色啦!
今次阿靜飾演一名地產公司嘅小職員，主力都係嗰三幅被：開悶會發吽哣、幫VIP歐陽波比通傳、同埋比老細林尚武炳做吓出氣袋咁，不過條裙又幾SHARP喎，圖中所見其他演員都係著啲簡簡單單嘅淨色套裝，反而阿靜出鏡唔多但佢嗰套出奇地有啲款睇吓。
－－－－－－－－－－－－－－－－－－－－－－－
留言小教學 (不用註冊)：
1. 在下方留言格內輸入留言
2. 在 'Comment as:' 一格內揀選 'Name/URL'，小視窗隨即彈出
3. 在 'Name' 一格內輸入你的稱呼，'URL' 一格漏空，再按 'Continue'
4. 按 'Publish' 送出留言
－－－－－－－－－－－－－－－－－－－－－－－
緊接住 <同居三人組>，呢套由袁詠儀、張兆輝、楊羚、雷宇揚主演嘅處境喜劇 <我愛玫瑰園> 繼續見到阿靜 (連埋再之後嘅 <卡拉屋企>，阿靜橫跨91年全年三套SITCOM，勁呀!)，今次阿靜總共出現六集，分別飾演五個唔同嘅角色，認真好使好用。
好快第一集 <邂逅> 已經有阿靜份，孖住趙學而做靚女泳客吸吸睛 (好正呀! 原來佢地喺 <點解香港咁過癮> 之後係有再合作架，好珍貴!)，故事講述張同白彪去長洲渡假，途經沙灘嘅更衣格嗰陣，雷公曳曳拎個望遠鏡出嚟裝入面換緊衫嘅阿靜同而婆，兩個見狀大叫非禮，大飽眼福嘅雷公即刻塞個望遠鏡比張兼夾嗱嗱聲鬆人，慘食死貓嘅張焗住比佢地同路見不平嘅靚靚追打。
阿靜接住喺 <緋聞外的女人> 度戥吓腳做公司職員仔開會，又喺 <’91男歡女愛> 入面扮賣花姑娘SELL雷公買返枝靚玫瑰贈朗拿度夫人林漪娸，不過呢兩集戲份唔多。
要到 <龍鳳俏冤家> 阿靜先再有機會發揮，話說張同袁都想幫各自嘅好友關禮傑同關淑怡箍煲，於是夾計灌醉前者，希望佢可以酒後吐情詩氹返SHIRLEY呢個未婚妻，點知張好衰唔衰搵埋阿靜兩隻兔女郎嚟陪酒，睇到SHIRLEY眼火爆，兩隻衰嘢再趁醉屈關送鑽石鏈，仲猴擒到直接摷佢銀包搶錢，好彩SHIRLEY心軟回頭救人，狠伸阿靜一拳。
嚟到 <膽搏膽> 阿靜就拍住祝文君做個恐怖四眼姑娘，故事講到張要去醫院割膽石 (睇到做醫生嘅係二太蘇恩磁同昌叔陳勉良嗎哈哈)，西口西面嘅阿靜一嘢拮針落個八月十五度，嚇到張走夾唔抖哈哈。
阿靜最後出現嘅單元係 <對不起，我愛你>，而今次終於可以連返戲同祝一齊做返護士啦，但個打扮又連唔晒有少少唔同，畢竟呢集同 <膽搏膽> 已經隔咗成五十集，阿靜中間都唔知開咗幾多套新劇囉哈哈，首先留意到頭髮長咗啦，又貪靚咗唔再戴返上次副眼鏡扮老土扮惡死，睇埋啲面口變到幾咁笑容可掬同和藹可親，而今次要照顧嘅病人亦由張變咗做修哥，唔講唔覺，成個91年入面阿靜同修哥起碼合作咗四次 (<點解香港咁過癮>、<怒海孤鴻> 同 <老友鬼鬼>)，真係好有緣!
－－－－－－－－－－－－－－－－－－－－－－－
留言小教學 (不用註冊)：
1. 在下方留言格內輸入留言
2. 在 'Comment as:' 一格內揀選 'Name/URL'，小視窗隨即彈出
3. 在 'Name' 一格內輸入你的稱呼，'URL' 一格漏空，再按 'Continue'
4. 按 'Publish' 送出留言
－－－－－－－－－－－－－－－－－－－－－－－
新年快樂! 繼續找數補返啲漏網之魚比大家先，第一套係由郭晉安、李國麟、李家聲、商天娥主演嘅處境喜劇 <同居三人組>，呢套出街早過小弟第一篇寫嘅 <幹探群英>，係暫時能夠搵到阿靜最早出鏡嘅劇集 (雖然套劇喺90年已開播，但排到阿靜嘅單元 <靚仔威爆咪> 時正好踏入91年，應該係中途比機會訓練班同學仔加入實習)。
故事講到黃寶欣同隔離男校嘅校草曾航生拍拖，死敵莫燕嫦唔抵得，借意向黃宣戰，誓要贏得校際歌唱大賽挽回面子，為保萬無一失，莫喺選拔賽當日仲搵埋阿靜搞搞震，偷偷加瀉藥落汽水等黃出醜，鵪鶉阿靜唔敢SAY NO，只有掩住良心做幫兇。
點知陰差陽錯下黃莫兩個居然調轉咗罐汽水嚟飲......
結果黃完全無事仲順利進入總決賽，而莫就害人終害己，唱咗幾句 跳舞街 就捧住個肚標返落台 (可惜阿靜當時太新，唔係都可能爭到機會比佢做埋參賽者唱到少少呀)。
決賽將至，雙雙入選嘅黃同曾約埋一齊練歌，黃見仲有成粒鐘就諗住校定鬧鐘喺圖書館邊瞌邊等，莫當然唔會放過呢個機會整熄個鬧鐘等佢失約啦，好彩最終黃得到曾嘅原諒同愛的打氣而贏得總冠軍，莫怒火中燒大鬧阿靜洩憤。
－－－－－－－－－－－－－－－－－－－－－－－
留言小教學 (不用註冊)：
1. 在下方留言格內輸入留言
2. 在 'Comment as:' 一格內揀選 'Name/URL'，小視窗隨即彈出
3. 在 'Name' 一格內輸入你的稱呼，'URL' 一格漏空，再按 'Continue'
4. 按 'Publish' 送出留言
－－－－－－－－－－－－－－－－－－－－－－－
